Kjarnafæği

Fritt.is

Şağ getur veriğ betra fyrir bekkinn ef allir fara eftir sömu reglum. Hér er tæpt á şví helsta.

Fréttir

Samræmd mál er varğa börnin

Það getur verið betra fyrir bekkinn ef allir fara eftir sömu reglum.

Hér er tæpt á því helsta.


Útiverutími

Útilvistartími er samkvæmt gildandi lögum.

Börn 12 ára og yngri

mega ekki vera á almannafæri eftir kl 20:00,

frá 1. sept. til 1. maí nema í fylgd með fullorðnum. 

Það skapast alltaf óróleiki á og margir krakkar

bíða eftir fyrsta maí, en skv. reglum fá mega þau

vera úti til kl. 22 [Reglur um útivistartíma barna]

Þau skilja þó fæst að þegar skóli er daginn eftir verði

þau að fara snemma að sofa,

og því geta þau ekki fengið að vera úti svo lengi, a.m.k. þau yngri. 

Gott er að hafa viðmiðanir innan bekkjanna varðandi þetta. 

Hér er því tillaga að almennri viðmiðun eftir 1. maí

þegar skóli er daginn eftir:

1-2 bekkur: Ekki úti eftir kvöldmat.

3 bekkur: Úti til kl. 8:30, úti í garði eða við hús.

4 bekkur: Úti til 9.

5. bekkur: Úti tl 9:30.

6. - 7. bekkur: Úti til 10.

Hjólreiðar

Ekki er æskilegt að börn yngri en 9 ára komi á reiðhjóli í skólann. Þau börn sem koma á hjóli í skólann skulu nota öryggishjálm og verða að geta læst hjólinu.

Hjólreiðar eru stanglega bannaðar á leiksvæði skólans á skólatíma.

Bekkjarkvöld

Aðeins í samráði við bekkjarkennara og eftir ósk foreldra í viðkomandi bekkjardeildum.

Bekkjarpartý

Ekki haldin fyrr en í 10 ára árgangi og þá aðeins með eftirliti foreldra eða einhvers forráðamanns.

Gæta skal að útivistarreglum.

Afmælisboð

Upphæð gjafa miðist við eitthvað hámark. Vera samtaka um upphæðina, 500 kr. er algeng upphæð. Athuga með sameiginlega gjöf frá bekkjarfélögum.

Ef boðið er innan bekkjar þá er almenna regla að bjóða annað hvort öllum af öðru hvoru kyninu, eða öllum bekknum.  Það að velja hóp út úr bekk getur leitt til vanlíðunar á meðal þeirra sem ekki er boðið og það viljum við forðast í lengstu lög.  Sér í lagi skal gæta þess að fáir einstaklingar séu ekki skildir útundan.  Gera börnunum grein fyrir því hvað það er að skilja einhvern útundan.

Varast skal að vera með marga leiki með verðlaunum.  Pakkaleikurinn er þó alltaf vinsæll, og þá má hafa í pakkanum eitthvað ódýrt. Leikjavefurinn [www.leikjavefurinn.is] er ágætur staður til að finna leiki.

Vasapeningar

Ekki hafa vasapeningana með í skólanum, vísað í skólareglur.  Reyna að samræma upphæðir innan bekkjar ef greiddir eru vasapeningar. Upphæðir miðist við aldur. Athuga með hámarksupphæðir.

Sjónvarpsáhorf

Muna svefnþörf barna.

Börn 6-12 ára þurfa 8-10 stunda reglubundinn svefntíma.

Ekki eftirlitslausa áhorfun barna á sjónvarp eða myndbönd.

Einelti

Einelti á sér helst stað þar sem verst er að koma við eftirliti,

- í afkimum og skotum,

- í sturtum og búningsklefum á sundstað og í leikfimi,

- í aðstöðu íþróttafélaga.

Tölvuleikir

Ekki að vera eftirlitslaus við tölvuleiki. Setja tímamörk á notkun tölvuleikja.

Tölvuleikir hafa lengstum verið taldir til barnaleikfanga og því ekki tekið mjög stíft á eftirliti með þeim af foreldrum.  Nú þegar tölvuleikir verða æ raunverulegri er sífellt meira framleitt af tölvuleikjum sem storka almennu siðferði.  Margir þeirra eru bannaðir yngri en 18 ára í þeim löndum sem hafa virkar reglur um þessi mál.  Dæmi um mjög vinsælan leik í þessum flokki (haust 2002) er Grand Theft Auto (eða GTA) fyrir Playstation II. Þar er markmiðið að stela bílum og myrða lögreglufólk og annað saklaust fólk. Meðal annars sem finna má í leiknum er að söguhetjan getur keypt sér þjónustu vændiskonu og þannig unnið sér inn auka líf.  Því næst getur hún drepið vændiskonuna til að ná aftur peningunum sem greiddir voru fyrir þjónustuna.  Við viljum að sjálfsögðu ekki að börnin okkar séu að leika sér með leiki af þessu tagi og því þarf að skoða merkingu leikjanna en þeir eru oftast merktir með aldurstölunni og + fyrir aftan í hring á hulstrinu sem fylgir leiknum t.d. 3+ fyrir leiki sem leifðir eru börnum eldri en 3gja ára.

Internet notkun

Ekki að vera eftirlitslaus við á internetinu. Setja tímamörk á notkun internets.

Þrátt fyrir að notkun internets sé oft á tíðum af hinu góða er því miður allt of auðvelt að villast inn á síður sem alls ekki eru við hæfi barna.  Með aukinni notkun internetsins og eftir því sem heimilin tengjast því með sítengingu eykst hættan á því að börnin flækist inn á slæmar síður.  Þess vegna er nauðsynlegt að vera vel á verði, og hafa augun hjá sér.  Til eru sérstök forrit sem loka á síður sem innihalda ofbeldi,  klám og þessháttar.  Dæmi um slíkt forrit sem fá má frítt er iProtectYou.  Það virkar þannig að öll gögn sem fara um netgátt tölvunnar eru skoðuð og borin saman við lista af orðum sem eru í gagnagrunni forritsins.  Ef eitthvert þessara orð kemur fyrir, eru viðkomandi samskipti stöðvuð og skjámynd birt sem gefur til kynna að þetta sé ekki leyft.  Forritið heldur utan um öll tilvik sem samskipti hafa verið stöðvuð og hvaða forrit það voru sem áttu samskiptin. Einnig hvaða orð það var sem olli því að birting síðunnar (eða samskipti) var stöðvuð.  Gera má ráð fyrir að aðlaga þurfi gagnagrunn forritsins og stillingar að þörfum notenda.  T.d. er orðið "sex" í þessum gagnagrunni, en það er að sjálfsögðu gott og gilt íslenskt orð.  Einnig má nefna "lust" en það er hluti af orðinu "vinsælust".  Þannig má gera ráð fyrir að forritið stöðvi notandann í fyrstu á algjörlega saklausum síðum en þá má skoða hvaða orð varð til að lokað var fyrir samskiptin og eyða því úr grunninum.  Margir unglingar spila leiki yfir internetið og þá eru því miður oft notuð vond ensk orð.  iProtectYou stöðvar þessa leiki ef orð á bannlista þess er notað í leiknum.  Ef foreldrar vilja leyfa orðið í leiknum má láta forritið hætta að skipta sér af samskiptum þessa eina forrits/leiks og halda þannig sama öryggi á vefsíðum.  Það ber að taka fram að forrit af þessu tagi eru venjulega eingöngu með enskann orðagagnagrunn og stöðva því ekki vefsíður á öðrum tungumálum. Einnig ber að taka fram að þeir sem halda úti vondum netsíðum finna stöðugt nýjar leiðir fram hjá forritum sem þessum og því er líklegt að sá sem eftir því leitar, komist inn á einhverja vefsíðu af því tagi.

Þetta er aðeins ein af fjölmörgum lausnum sem fólk hefur til að takast á við vandann en einnig má án efa fá þjónustu hjá tölvufyrirtækjum til að koma svona vörn upp á tölvurnar hjá sér.  Einnig hafa verið í boði "fjölskylduvænar" internettengingar sem eiga að gera sama gagn.



Tom-top.com

Framsetning efnis

Um fritt.is

Frítt.is er upplýsingaveita sem sér um að koma á framfæri ókeypis þjónustu, viðburðum eða vöru. Einnig sér starfsfólk Frítt.is um að auglýsa atburði sem fjármagnaðir eru af einstaklingum, fyrirtækjum eða hverjum þeim sem vilja koma á framfæri fríum atburði. Vinsamlegast sendið okkur upplýsingar eða látið okkur sjá um að koma á fríum viðburðum. Fríir viðburðir geta verið góð auglýsing fyrir fyrirtæki, sveitafélög eða einstaklinga. Endilega hafið samband í síma 460-3000 eða sendið póst á netfangið fritt@fritt.is

moya - Útgáfa 1.13 2009 - Stefna ehf